• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

فدييييت قطرررر يانااس هي واهله

الحمد لله ان الخبر طلع كاذب الله يعزك يا وطن ويعز كل اهلك

وأشار إلى أن المعلومات المؤكدة لديه هو بالفعل وجود فتيات سعوديات يعملن في مجال التدريس وفي مجالات أخرى يا ترى ايش هيه المجالات الاخرى؟؟؟؟؟ياليت يوضحو اكثر

الله يحفظنا بنات المسلمين ويبعدهم عن كل حاجة تبعدهم عن وطنهم الغالي .. ويسوق لهم رزقهم من حيث لا يحتسبون ..

واحب اشكر للشعب القطري بشكل عام والفتاة القطرية بشكل خاص ، لأحترامها ومشاركتها لأخواتها السعوديات بكل احترام وتقدير ..

هذا هو الحب الحقيق .. وهذا انا والله عاجز اعطي المتصلة القطرية حقها ... مهما تكلمت..

لكن الله يوفقها ويحفظها ويرزقها انشاءالله ...

وياليت الحكومة السعودية تعطي الموضوع بعض الجدية وتحقق كل ماتستطيع بكل امانة وصدق لأنه فعلا لو يبحثون بالموضوع راح يلقون كل محتاج الى وقفة انسانية لسد حاجياتهم واحب اخص رسالتي لبعض المسئولين الوزراء بانه واجب عليه كمسلم ومواطن سعودي قبل كلمة سعادة الوزير انه مسئول امام الله سبحانه وتعالى ؟

يابوي الله يستر يقول شيبانا مانغق الطير الا من خبر
وانا اقدر اكلم كل القنوات الفضائية واصرح بدون مصداقية

قلنا لكم انه الخبر السابق كذب

مستحيل بنت السعودية تصير خدامة


الله يحفظ بناتنا يارب

هذا مقال للاخ فليت بن قنه ... احببت ان تطلعوا عليه ....

« خدامة سعودية » وما تعرفين تسوين « مجبوس » عـيل شحقه دازينج ؟!
بهذه الكلمات القاسية من الممكن أن تـُستقبل أول « خدامة سعودية » في هذا العهد الميمون ، وذلك من بين ثلاثين خدامة سعودية حصلن على فيز عمل للخدمة في البيوت القطرية إذ تـُستقبل بـ : هيه انتي يا « خدامة سعودية » ما تعرفين تسوين \" مجبوس \" و \" مرقوق \" ؟! عيل شحقه دازينج ؟!

هَو!
ما علموج خالد التويجري وربعه قبل ما تيـين ؟! شلون ما علموج واحنا شايفين الوزير مالكم غازي القصيبي واهوا لابس طاقية الطهاة ؟

بعدين اسمنا خسرنا عليج ، إذا ما تعرفين الطباخ نشغلج شغلات ثانية ، هم احنا بعد ما يايـبـينـج ابلاش ، يبناج بلفوسنا ؟!

هيه .. انتي « سعودية » تعالي من هنيه ، شوفي هذي غرفة \" حمد \" تنظفينها كل يوم وترتبين سريره وترتبين خلاقينه ، هذا يا بعد أمه يتعب كل يوم بعمله ، ويعطونه كل شهر 25 ألف ريال ، يعطيني ويعطي خواته كل شهر كل وحده ألفين ريال ، وترى مو بمقصر معاج يمكن يعطيج خمسمية ريال على راتبج.

وشوفي يا « سعودية » هذي غرفة ولدي الثاني \" جاسم \" ، يا بعد أمه يتعب بعمله ، ومعاشه 20 ألف بس ، ويعطيني ويعطي خواته كل شهر كل وحده ألف وخمسمية ، ويمكن يعطيج إكرامية على معاشج ، بس اغسلي ملابسه الداخلية على يدج زين ، \" حمد \" الله يخليه من صغره ما يحب الملابس تتغسل بالغسالة التوماتيك .. أقول أحاجيج .. انتم عندكم بالسعودية مثل الغسالات هذي ؟!

ـ يمه .. تعالي شوفي الخدامة الجديدة اللي دزوها لنا الليبراليين السعوديين ، موبراضية تلمع لي جزمة المدرسة وأنا تأخرت وايد !

ـ أقول هيه « خدامة سعودية » شفيج ما تطيعين الولد وتلمعين جزمته ؟ انتي شفيج زمطتي علينا فجأة !!

مااااااااااافيه دخان بدون نااااااااااار


ومن متى عندنا يأكدون أي خبر دائما ماعندنا غير النفي والشجب

هذا إن دل يدل على مصدآقيـه أخبـآر صحيفـة مبآشـر!!!...!!

ما فيها شي يشتغلون خدامات افضل من يموتون من الجوع في بلد النفط والترليونات

الميزانية في لبنان وغزة على شان يتقاتلون الفلسطينيين

والله اني اتمنى اني قطري

عمري 27 سنة بكالوريوس لغة عربية مخباي فيها 44 ريال

متخرج لي تقريبا 4سنوات يعني اربع سنوات زي البنت في البيت


ضاع عمري دراسة وسهر و بلااوي و تاليتها رقمي في الديوان اكثر من 2300


يعني ما راح ياصلني الدور ولا بعد 10سنوات


ابو متعب تكفىىىى يا ملك الانسانية شف لنا حل و الله حالنا يدمي القلب


شيء مو سهل انه شخص يبي يتزوج و يكون مستقبله ما معه غير 44 ريال

ما تكفي و الله بس البنزين


املنا فيك يا ابو متعب بعد الله تعالى